आजी म्हणजे संगीत
आजी म्हणजे सूर ताल
आजी म्हणजे अन्नपूर्णा सुगरण
आजी म्हणजे मोदकातले गोड सारण
आजी म्हणजे थंड सुगंधाचा शिडकावा करणारी गुलाबदाणी
आजी म्हणजे घट्ट बासुंदी वरची केशर मलाई
आजी म्हणजे नातवांची लाडकी बाहुली
आजी म्हणजे वटवृक्षाची आल्हाददायक साउली
आजी म्हणजे गोड आंबट मुरंबा
आजी म्हणजे तिन्ही सांजेला लावलेला दिवा
आजी म्हणजे शुभंकरोती सोबत आधुनिक जगाचा वारसा
पुरणपोळी सोबतच शिकलेला व्हाईट सॉस पास्ता
आजी म्हणजे नातवांना मिळालेले 'अभय ' दान
आजी म्हणजे 'शिशिर' ऋतूतले 'नील' 'आकाश '
आजी म्हणजे 'अमेय' 'स्नेह'
आजी आमची 'अमृता' ची साठवण
हेमा म्हणजे झळाळते सुवर्ण
हेमा आजी म्हणजे एक उत्साही खेळकर सदस्य
हेमा आजी म्हणजे सहज प्रसन्न सुहास्य
संगीत आणि उत्साह हेच आजीच्या चिरतरुण जीवनाचे रहस्य
मुक्ता सुमित गद्रे_
